Dhënia e lajmeve të rrema në Argjentinë duket se i ka kaluar të gjitha kufijtë, aq sa figura të njohura njoftohet se kanë ndërruar jetë, ndërkohë që nuk është aspak e vërtetë. I tillë ishte edhe rasti i sulmuesit të Boca Juniors, Cristian Pavon. Në mediat argjentinase, u deklarua se ka ndërruar jetë futbollisti në moshën 25-vjeçare.
Kjo e ka irrituar së tepërmi sulmuesin e majtë, i cili ka reaguar nëpërmjet një postimi në profilin e tij “Instagram”.
“A keni ndonjë kufi? Nuk interesoheni për të tjerët? Për ata që janë të shqetësuar, unë jam më mirë se kurrë”, shkruan Pavon.
Kujtojmë se Pavon ka qenë edhe pjesë e kombëtares së Argjentinës, me të cilët ka zhvilluar 11 ndeshje, pa arritur të shënojë ndonjë gol.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
