Luftë titanësh për Soumare

Mesfushori i Lillës Boubakary Soumare po i bën si duhet  detyrat në kampionatin francez. ‘’ Les Dogues ‘’ janë  afër rrezimit nga froni të Paris St Germain , situatë që do të shkruajë një tjetër histori në këtë kampionat . 22 vjeçari ka zhvilluar një sezon për tu mbajtur mend dhe ia janë shtuar shanset për të qenë pjesë e ekipeve me emër në Europë .  Manchester United  , Paris St Germain dhe Leicester City-t po e ndjekin me kujdes Boubakary Soumaren dhe kanë filluar tratativat me Lillen për ta bërë pjesë të tyre gjatë merkatos  .

  41 ndeshjet e këtij sëzoni ia kanë përforcuar idetë skuadrave të sipërpërmendura se është një element që duhet ti kushtohet shumë vëmëndje sepse transferimi i tij  mund të shënojë hapjen e një kapitullit të ri në repartin e mesfushës.  Momentalisht interesi  i  tyre nuk është shoqëruar nga oferta konkrete  por nuk besohet se kjo çështje do të  vonojë shumë  sepse  Boubakary Soumare është duke lënë gjurmë të mëdha në Ligue 1 . 

Ky aspekt i jep shansin e artë për ta ndërtuar të ardhmen diku tjetër pavarësisht se është një pilar fundamental për Christophe Galtier .   Ky operacion ka një koefiçent të konsiderueshëm vështirësie  sepse afrimi i Lilles me fitimin e kampionatit i krijon një përgjegjësi të madhe  drejtuesve për të evituar me çdo kusht largimin e yjeve  sepse në të kundërt do të humbnin pikë gjatë rrugës në funksion të qëndrimit në të  njëjtën linjë edhe në sezonin vijues.