Problemet e hasura në lidhje me rinovimin e Rafael Leaos duket se i kanë ardhur në majë të hundës drejtuesve të Milanit , të cilët janë të gatshëm ti japin dritën jeshile largimit të portugezit nga ‘’ San Siro ‘’.
23 vjeçari ishte një lojtar determinant në sezonin e kaluar, në të cilin kuqezinjtë u shpallën kampionë të Serisë A dhe më pas ofertat në adresë të golashënuesit asnjëherë nuk munguan .
Italianët arritën t’ia trefishojnë rrogën , fakt që do të thotë se ishi i Lilles do të përfitontë 9 milionë euro në sezon , por si duket kjo shifër nuk ka mjaftuar për ta bindur të vijojë rrugëtimin me shtatë herë fituesit e Champions Leagues.
Megjithatë , me largimin e mundshëm të luzitanit , Milani do të përfitonte 150 milionë euro dhe duhet patur parasysh se pretendentët janë tepër cilësore dhe të fuqishëm në aspektin ekonomik , si përshembull Real Madridi apo Chelsea, ekip i cili ka filluar një tjetër etape me Todd Boehly-n në krye , objektivi i të cilit është rikthimi i ‘’ Bluve të Londrës ‘’ tek trofetë e rëndësishëm .
Në katër sezonet me Milanin , Rafael Leao ka treguar se është një ndër më të rrezikshmit në ofensivë dhe eksperienca e tij përmblidhet me 34 gola në 135 sfida por kështu si kanë rrjedhur ngjarjet , e ardhmja mendohet larg Italisë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
