Humbja e Atleticos në ‘’ San Mames ‘’ në fundjavë e ka bërë përsëri protagonist Diego Simeonen i cili rrezikon qëndrimin në ‘’ Wanda Metropolitano ‘’ .
Drejtuesit e ‘’ Los Colchoneros ‘’ kanë preferuar ta marrin shtruar këtë çështje duke i vënë si kusht ‘’ El Cholos ‘’ pjesëmarrjen në Champions League sezonin e ardhshëm , kompeticion në të cilin djemtë e tij s’duhet të mungojnë .
Javët e fundit të La Ligas konsiderohen një finale për Atleticon , skuadër që aktualisht e ka të siguruar pjesëmarrjen por s’duhet ti rrëshkasi këmba në katër sfidat e mbetura kundër Real Madridit , Elches , Sevillas dhe në fund në ‘’ Reale Arena ‘’ ku pritës do të jetë Real Sociedadi.
Kontrata e argjentinasit është e vlefshme deri në 2024-tën dhe sipas ‘ Cadena Cope ‘ ekziston një klauzolë që e detyron të rinegociojë me Atleticon kundrejt reduktimit të përfitimit.
Kalendari është tejet i vështirë por ‘’ Los Rojiblancos ‘’ e kanë treguar në kohë të vështira se mund të befasojnë çdo rival dhe sidomos tani që në lojë është hyrja apo jo në Champions League , të cilën para disa vitesh Atletico Madridi as që e diskutonte duke arritur madje në dy finale.
Pa dyshim që Diego Simeone konsiderohet si traineri më i mirë në historinë e këtij klubi por objektivat në këtë sezon i kanë shpëtuar dhe pjesëmarrja në Champions është e domosdoshme pavarësisht se në ndeshjet e mbetura nuk mund të përjashtohen surprizat .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
