Kjo e sotmja mund të quhet si ditë pozitive për disa prej lojtarëve shqiptarë. Mesfushori Granit Xhaka ka gjetur rrugën e rrjetës me Arsenalin. Shqiptari shënoi në minutën e 69-të me kokë, por goli i tij nuk mjaftoi, pasi në fund Chelsea triumfoi 1-2 në ndeshjen miqësore e cila u zhvillua në stadiumin “Emirates”.
Golin sot ka gjetur edhe Giacomo Vrioni. Sulmuesi i Kombëtares, shënoi me fanellën e skuadrës austriake të Tirol. Vrioni i dha avantazhin skuadrës së tij në kampionat ndaj Austria Vienna, duke kthyer në gol një 11-metërsh në minutën e 45+3’.
Një tjetër sulmues i Kombëtares ka shkëlqyer sot. Sokol Cikalleshi ka tundur rrjetën me Konyaspor. Kavajasi shënoi në limite, më saktë në minutën 90+2’, duke i dhënë fitoren 1-0 Konyaspor ndaj skuadrës tjetër turke të Antalyaspor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
