Largimi i mundshëm i Kylian Mbappe nga ‘’ Parque de Prince ‘’ tanimë e ka vënë në lëvizje drejtorin sportiv të Paris St Germain Luis Campos për arritjen e akordit me Victor Osmihen. Nigeriani pëlqehet nga Luis Enrique , i cili sapo ka marrë drejtimin e francezëve . 23 vjeçari fitoi Scudetton me Napolin , skuadër që nuk e fitonte prej tre dekadash, i cili është shëndërruar në një ndër sulmuesit më të rrezikshëm të Europës. Mirëpo Aurelio Di Laurentis, numri një i ‘’ Il Partenopei ‘’ është i vetëdijshëm për rëndësinë e afrikanit tek italianët dhe pretendon më tepër se 100 milionë euro për largimin e golashënuesit. Presidenti Nasser Al Khelaifi ka përgatitur çekun prej 120 milionë eurosh për ta transferuar Victor Osmihen në kryeqytetin francez por fillimisht duhet të mposhtin Chelsean dhe Manchester City-n. Si në çdo merkato gara për lojtarët cilësorë ka rezultuar shumë e ashpër dhe e njëjta gjë pritet të ndodhë me nxënësin e Luciano Spalletit. Objektivi prej vitesh i presidentit nga Katari është fitimi i Champions Leagues dhe me ishi-n e Barcelonës në stol , Paris St Germain do të ketë përsëri një mundësi për ta thyer akullin , trainer që e fitoi në të shkuarën me ‘’ Los Cules ‘’. Shtatlarti nga Lagos e përfundoi sezonin e kaluar me 31 gola në 39 sfida , një statistikë për tu marrë në konsideratë dhe që njëkohësisht e shëndërron në një rrezik konstant për çdo rival.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
