Këtë të shtunë do të ngrejë siparin për edicionin e 13-të futbollistik, kampionatioo kombëtar i femrave. Ditën e shtunë do të zhvillohen 2 ndeshje, ndërsa të dielën do të zhvillohen 3 ndeshjet e tjera.
Janë 11 skuadra që do të marrin pjesë në këtë edicion të kampionatit të femrave. Gjithçka do të nisë të shtunën, me derbin e kryeqytetit Kinostudio-Tirana që do të jetë ndeshja hapëse e këtij sezoni të ri, që do të luhet në kryeqytet, duke nisur nga ora 11:00. Ndërkaq, ditën e shtunë do të zhvillohen edhe dy sfida të tjera.
Në ora 12:00, në aneksin e stadiumit “Loni Papuçiu” do të zhvillohet sfida Apolonia-Partizani, një sfidë jo e lehtë për të dyja ekipet, që në sezonin 2020-2021 bënë paraqitje të mira. Drejt Shkodrës do të udhëtojnë korçaret e Skënderbeut, që do të luajnë kundër ekipit Atletik Club, emri i ri i ekipit të AAS-së. Ndeshja do të zhvillohet në qytetin verior duke nisur nga ora 14:00.
Dy sfidat e tjera do të zhvillohen ditën e diel. Në stadiumin “Roza Haxhiu”, ekipi i Lushnjes do të presë durrsaket e Teutës, me ndeshjen që nis në ora 11:00, teksa në Shkodër, tetë herë kampionet e vendit, Vllaznia do të luajë derbin e parë kundër KF Murlanit, emri i ri i ekipit të Juban Danjës, duke nisur nga ora 14:00. Ekipi i Tirana AS do të jetë pushim në këtë javë të parë, duke qenë se kampionati përbëhet nga 11 skuadra.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
