Pavarësisht momentit të mrekullueshëm që po kalon në Serinë A dhe në Champions League , Interi po përgatitet për merkaton e cila konsiderohet si burimi i sukseseve në vijimësi .
Një ndër temat me pikante që po shqyrtohet nga drejtori sportiv Beppe Marotta dhe bashkpunëtori Piero Ausilio është rinovimi me Marcelo Brozovic i cili është kyç për Simone Inzaghin .
Pretendimet e larta të kroatit mbeten të paluhatura dhe ky fakt ka gjeneruar vështirësi brenda mureve të ‘’ Giusseppe Meazzas ‘’ sepse italianët nuk janë në lartësinë e kërkesave të 29 vjeçarit dhe janë treguar të shkathët në përzgjedhjen e një tjetër kandidati për mesfushën .
Flitet për bashkombasin Lovro Majer që aktivizohet tek Rennes . Talenti nga Zagrebi konsiderohet si ‘’ Modriçi i ri “ nga shumë specialistë dhe 19 herë kampionët e Scudettos besojnë se mund ti vijë në ndihmë skemave të Simone Inzaghit i cili e ka filluar mirë eksperiencën në Milano , duke i siguruar Interit biletën për në turin e 1/16-tave në Champions League , skuadër që vijon të mbrojë me fanatizëm vendin e dytë në kampionat pas 16 javëve .
Si shumë talentë të tjerë 23 vjeçari ndiqet edhe nga Bayern Munich, Milan dhe Real Madrid , skuadra që janë të gatshme të luftojnë ashpër me Interin për të treguar forcën e karakterit . Mbetet për tu parë se drejtuesit e cilës do ti bëjnë llogaritë siç duhet për Lovro Majer, të cilit besohet se i ka ardhur dita të shijojë në maksimum sakrificat e bëra gjatë karrierës .
Nëse zikaltërit do të kenë fatin t’ia vënë në dispozicion Simone Inzaghit, patjetër që ky operacion do të etiketohej ndër më pikantët e merkatos dhe për ishi-n e Dinamo Zagrebit do të ishte një arritje e madhe .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
