Shpëtimi nga rënia në Championship konsiderohet objektivi primar i Newcastle në këtë merkato . Firmosja me Kieran Tripper i ka ndezur shpresat e anglezëve për të vënë gjithçka në vijë dhe drejtuesit respektivë po mendojnë ofertën në drejtim të Anthony Martial .
Sulmi është një ndër repartet ku Eddie Howe do të fokusohet sepse golat konsiderohen shpëtimi i vetëm për qëndrimin në Premier League . 26 vjeçari është një alternativë shumë cilësore dhe njohja me detaje e kampionatit anglez konceptohet një avantazh i madh për bardhezinjtë që ëndërrojnë të pushtojnë botën e futbollit.
Pavarësisht se në aspektin ekonomik traineri anglez mund të rrijë i qetë , duhet të jetë shumë i kujdesshëm në ndeshjet vijuese në gjetjen e taktikave të duhura në varësi të kundërshtarëve të cilat do të jenë determinante për arritjen e objektivave .
Sipas gazetarit Ekrem Onur nuk ka ende një ofertë zyrtare për Anthony Martial por Newcastle ka menduar huazimin e tij për të arritur fillimisht objektivin e më pas do të analizohet opsioni për qëndrimin në ‘’ St James Park ‘’.
Për ishi-n e Monacos edhe Sevilla ka shprehur interes por paraprakisht nëse marrim në konsideratë përfitimin e golashënuesit , Newcastle është pa diskutim fitues absolut i kësaj gare .
Eksperienca tek Manchester United vijon ti gjenerojë probleme Anthony Martialit duke e vënë në pikpyetje të madhe qëndrimin në ‘’ Old Trafford ‘’ por njëkohësisht kontributi disa vjeçar me ‘’ Djajtë e Kuq ‘’ i ka rezultuar “ shpëtimtar “ për të ardhmen .
1 gol në 10 ndeshje janë statistika shumë larg vlerave të tij dhe kjo situatë ka arritur kufinjtë e të papërballueshmes nga drejtuesit e 20 herë kampionëve të Premier Leagues .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
