I ndeshur në shumë raste me interesin e Manchester United për Raphael Varane , Real Madridi ka filluar kërkimin një zëvëndësuesi në rast se mbrojtësi do ti japë lamtumirën ‘’ Santiago Bernabeut ‘’. Kontrata e shtatlartit me ‘’ Galaktikët ‘’ merr fund në 1 korrikun e 2022-shit dhe kryeqytetasit kërkojnë 50 milionë euro për ish kampionin e botës . Largimi i Sergio Ramos i ka shkaktuar shumë probleme prapavijës së spanjollëve të cilët ia kanë vënë syrin Presnel Kimpembes .
Francezi mbetet një pikë referuese për Mauricio Pochettinon por me kalimin e Sergio Ramos në ‘’ Parque De Prince ‘’ situata në këtë repart është vështirësuar dhe zgjidhja e vetme për trainerin argjentinas është rreshtimi me tre mbrojtës dhe në këtë rast do të ishin Kimpembe , Ramos dhe Marquinhos . Ish kampionët e Ligue 1 me siguri do ta kundërshtojnë interesin e Real Madridit sepse 25 vjeçari ka fituar shumë pikë në prapavijën e francezëve dhe ia bën Real Madridit misionin gati të pamundur për ta transferuar.
Kjo histori është e ngjashme me atë të Kylian Mbappes sepse transferimi i mundshëm në Spanjë do të ishte gati i pariparueshëm për një skuadër që pretendon suksesin duke theksuar fort Champions League që mbetet ëndërra në sirtar .
Presnel Kimpembe i ka bërë shumë mirë detyrat në sezonin e shkuar të cilin e finalizoi me 40 ndeshje dhe me pjesëmarrjen në Europian ku ‘’ Gjelat ‘’ u eleminuan nga Zvicra në fazën e 1/8 -tave .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
