Derbi i shqiptarëve në Maqedoninë e Veriut, mes Shkupit dhe Shkëndijës, është luajtur vetëm pak minuta. Ndeshja e vlefshme për Kupën e Maqedonisë, u ndërpre pas vetëm 9 minutave lojë.
Tetovarët kaluan në avantazh dhe kjo solli irritimin e tifozëve të Shkupit, ku disa prej tyre kaluan rrethimin dhe u futën në fushë duke goditur një nga lojtarët e Shkëndijës.
Si pasojë e kësaj, ndeshja u ndërpre menjëherë dhe lojtarët u futën në dhomat e zhveshjes. Federata e Futbollit të Maqedonisë, në vendimin e marrë, ka dënuar Shkupin me humbjen e ndeshjes në tavolinë si dhe zhvillimin e ndeshjeve si vendas, në stadium asnjanës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
