Pochettino pëlqen Serge Aurier

Eleminimi nga Champions League i ka shërbyer Mauricio Pochettinos për të tentuar fuqizimin e disa pozicioneve të rëndësishme të Parisit .   Kryeqytetasit kanë nevojë urgjentisht për një alternativë në krahun e djathë të mbrojtjes sepse ka shënuar lehtësi të dukshme  për kundërshtarët gjatë sezonit .  Italiani Alessandro Florenzi nuk ka arritur ta bindë argjentinasin dhe të gjitha parashikimet flasin për rikthimin  në ‘’ Olimpico ‘’.  Kalkulimet e  bëra nga traineri 49 vjeçar janë ndalur  tek Serge Aurier. 

Mbrojtësi nga Bregu i Fildishtë ka përjetuar një eksperiencë me kuq e blutë në të kaluarën  dhe ky fakt mund ta lehtësojë rikthimin në ‘’ Parque De Prince ‘’ .  Portali  “ Rmc Sport “  deklaron  se ky operacion mund të kapë 10 milionë eurot  sepse  vitin tjetër Serge Aurier e përfundon kontratën me ‘’ Spursat ‘’  dhe këta të fundit do të evitonin   largimin e tij nga ‘’ White Hart Lane ‘’ me parametër zero . Duke qenë se  flitet  për një skuadër që mund ti plotësojë kërkesat e Daniel Levyt , kurrsesi  Tottenhami nuk do të rrezikojë për këtë operacion  sepse do të ngelte me duar bosh  në verën e ardhshme .  

Profili i tij përputhet me filozofinë e Mauricio Pochettinos sepse ka në dispozicion lojtarë të niveleve të larta ,  aspekt që evidenton një bashkim forcash për të avancuar ashtu siç duhet drejt suksesit të munguar në tërë këto vite tek Parisi siç është  fitimi i Uefa Champions Leagues . Nuk duhet anashkaluar  se Serge Aurier arriti të bëhej pjesë e kampioneve në fuqi të Ligue 1 në 2014  të cilët derdhën 10 milionë euro në arkat e Toulouse  dhe në 2017 londinezët arritën transferimin e lojtarit të lindur në Ouragahio për 25 milionë euro. 

Kjo alternativë do të shënonte fillimin e një revolucioni në lidhje me krahun e djathtë të mbrojtjes sepse pavarësisht inkursioneve të shumta  Serge Aurier është shumë i fortë në luftën një kundra një dhe i krijon më tepër siguri Paris St Germain gjatë ndeshjeve .