Duke qenë se e ardhmja e Ibahima Konates në ‘’ Anfield Road ‘’ nuk është e sigurtë, tek Liverpooli po punohet me shumë përkushtim për ti gjetur një zëvëndësues të denjë.
Disa emra kanë qarkulluar së fundmi në zyrat e anglezëve, të cilëve i është bashkuar edhe Ronald Araujo.
Uruguajani vjen pas një sezoni dëmtimesh dhe aktualisht e ka humbur garën me Eric Garcian.
Në fakt për 26 vjeçarin interesi i klubeve në Premier League gjithmonë ka ekzistuar dhe duke patur parasysh se francezi mund të jetë pjesë e Real Madridit, qendërmbrojtësi nga Rivera është përfshirë në planet e trainerit Arne Slot për vijimësinë.
Eksperienca e akumuluar ndër vite dhe të qënit tejet kompetitiv, si në nivel klubesh ashtu edhe tek kombëtarja ‘’ Charrua ‘’ e shëndërrojnë në një element ideal për çdo ekip elite.
Momentalisht Ronald Araujo po kalon disa peripeci tek ‘’ Blaugranët ‘’ dhe drejtuesit e ish kampionëve të Champions Leagues e mirëpresin në një ndër kampionatet më të bukur të Europës.
Cilësitë e tij janë idealet për lojën që zhvillohet në Angli pasi është tejet i saktë në dyluftimet në ajër, potent dhe i vështirë për çdo rival.
Mirëpo, gjithçka do të varet nga oferta e presidentit e ‘’ Të Kuqve ‘’ Tom Werner dhe nëse do të jetë tunduese, ishi i Boston Riverit mund ti japë fund eksperiencës në Katalunjë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
