Pas shumë emrave që kanë qarkulluar së fundmi tek Real Madridi në lidhje me sulmin, edhe Moussa Diaby është bërë pjesë e listës së Carlo Ancelottit.
Francezi konsiderohet një ndër më premtuesit për të ardhmen dhe ‘’ Galaktikët ‘’ do të tentojnë të firmosin me golashënuesin në merkaton e verës, e cila i hap dyert zyrtarisht në 1 korrik.
Paraqitjet e mrekullueshme me Bayer Leverkusenin parashikohet se do ti mbushin në mënyrë të konsiderueshme arkat e gjermanëve por fillimisht kryeqytetasit duhet të mposhtin Manchester United dhe Paris St Germain për 23 vjeçarin.
Kalimi i mundshëm në ‘’ Santiago Bernabeu ‘’ do ti jepte mundësinë trainerit italian për ta patur gati në mungesë të Vinicius Juniorit, kyç në sukseset e ‘’ Los Merengues ‘’ në vitet e fundit.
Në sezonin aktual Moussa Diaby ka arritur të shënojë 14 gola në 42 sfida dhe momentalisht Bayer Leverkusen është afër zonës europiane , pavarësisht se i mbeten edhe katër sfida për të zhvilluar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
