Mbrojtësi i majtë, Nicolas Tagliafico, dukej shumë afër kalimit te Barcelona në merkaton e janarit, por ky operacion nuk u realizua. Kjo ka zhgënjyer lojtarin, i cili në një intervistë të dhënë së fundmi, thotë se iu mohua ëndrra për të luajtur te Barcelona.
Ai theksoi se ka dhënë gjithçka për Ajax-in, ndërsa shtoi se ndoshta profesionalizmi i tij e ka dëmtuar.
“Në katër vite tek Ajaxi kam luajtur me dëmtime në kokë dhe me syze mbrojtëse në masën 70%. Kam pasur kaviljen e fryrë, më pyetën nëse mund të zbrisja në fushë dhe unë nuk refuzova kurrë të luaja, edhe pse nuk kam qenë në 100%-in tim.
Kam dhënë gjithçka për Ajaxin, edhe jashtë fushës kam qenë gjithmonë në anën e interesave të klubit. Por, në momentin që m’u shfaq mundësia e kalimit te Barcelona, drejtuesit nuk më lejuan të largohesha. Jam i zhgënjyer. E kuptoj se situata nuk është e lehtë në janar, por përfunduam duke lënduar njëri-tjetrin.
Ëndrra ime nuk u realizua. Ata kanë arsyet e tyre pse nuk më shiten te Barcelona, por kjo ishte një mundësi unike. Të shkoja në një klub si Barcelona ishte një ëndërr për mua, por drejtuesit e Ajaxit nuk më ndihmuan aspak. Jam i zhgënjyer, sepse kam ndjesinë se më ka dëmtuar profesionalizmi", deklaroi Tagliafico.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
