Trajneri i Tiranës, Julian Ahmataj, foli për MCN TV, pas ndeshjes ku skuadra e tij fitoi 2-0 ndaj Teutës.
Ahmataj deklaroi se përveç fitores, është i lumtur që skuadra e tij nuk pësoi gol.
Situata e mirë nuk rikthehet me një fitore. Më vjen mirë që nuk pësuam gol, kjo na ka dëmtuar në fazën e parë. Terreni nuk lejon të luajmë dhe duhet të jemi më cinikë. Në ndërtimin e lojës ishim më të qetë dhe bëmë mirë.
Hasani është një lojtar ofensiv dhe goditës i mirë i portës. Aftësitë e tij mundohemi t’i shfrytëzojmë gjithmonë. Qarkullimi i topit ndikohet shumë nga terreni i fushës dhe situatës ku ndodhet skuadra.
Qarkullimi i topit do të vijë në përmirësim. Problemet në mbrojtje duan përqendrim. Pavarësisht se fituam, ne jemi të mërzitur për renditjen ku ndodhemi. Duhet të jemi më lart. Pres më shumë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
