Mbrojtësi Antonio Rudiger ka rezultuar ndër më të preferuarit në kohët e fundit nga ekipet e elitës.
Tentativat e tyre janë zbehur me kalimin e ditëve për arsye të pretendimeve të gjermanit që janë konsideruar të papërballueshme dhe e kanë vënë në dyshim të ardhmen.
Kërkesa prej 12 milionë eurosh e 28 vjeçarit detyron të interesuarit ta mendojnë dy herë këtë lëvizje sepse ende nuk e kanë marrë veten dhe s’duan të gabojnë në vijimësi .
Pavarësisht se ka bërë shumë tek Chelsea, ekip me të cilin u kurorëzua si kampion i Champions Leagues , aspekti ekonomik nuk garanton shumë për ta transferuar dhe sipas ‘ Calciomercatos ‘ skuadra si Real Madrid, Inter , Juventus pothuajse janë tërhequr nga gara duke lënë Paris St Germain të vetmin kandidat për të firmosur me gjermanin .
‘’ Les Pariziens ‘’ duan të vijojnë filozofinë e tyre që lidhet me mbërritjen e yjeve të tjerë në ‘’ Parque de Prince ‘’ sepse duan të jenë protagonistë shumë shpejt dhe me goditjet e bëra janë afruar me objektivat.
Megjithatë paraprakisht kuq e blutë janë duke shqyrtuar blerjen e Ousmane Dembele , për të cilin Nasser Al Khelaifit i duhet të investojë fuqishëm dhe kalimi i ishi-t të Romës do të shoqërohej me një rrogë të konsiderueshme dhe ndoshta do ti rëndonte arkat e kryeqytetasve të cilët s’duan të rrezikojnë shumë sepse mund të pendohen në të ardhmen .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
