Niveli impresionues i Alex Baenas në rradhët e Villarealit e ka shëndërruar në objektivin e Atletico Madridit në lidhje me merkaton e janarit.
Diego Simeone e vlerëson kontributin e mesfushorit tek ‘’ Nëndetësja e Verdhë ‘’ por me shumë gjasa spanjolli do të qëndrojë në ‘’ La Ceramica ‘’, të paktën deri në fundin e sezonit aktual.
Me vetëm 23 vite mbi supe Alex Baena spikat për teknikën dhe gjithashtu efikasitetin, sidomos në situata të vështira për ekipin e tij.
Gjithashtu kreativiteti dhe të qënit dinamik i jep një plus lojës së Villarealit dhe kombëtares ‘’ La Furia Roja ‘’, kampionja në fuqi e Europës.
Megjithatë, drejtuesit e ish fituesve të Europa Leagues janë të gatshëm të insistojnë për qëndrimin e ishi-t të Gironas por ky i fundit mund të ndryshojë mendim dhe të vijojë karrierën tek një ekip i cili i garanton tituj në të ardhmen e afërt.
Ka filluar puna brenda zyrave të ‘’ Wanda Metropolitanos ‘’ në lidhje me arritjen e marrëveshjes dhe pritet që shumë shpejt presidenti Enrique Cerezo të deklarojë ofertën për Alex Baenan.
4 gola në 17 sfida janë statistikat e nxënësit të Marcelino Garcia Toral në sezonin aktual, i grumbulluar vazhdimisht edhe nga Luis de la Fuente.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
