I anashkaluar nga Real Madridi , me paraqitjet e bëra tek Eintracht Frankfurt Luka Jovic ka siguruar një pretendent shumë të fortë në kontinentin e vjetër . Interi i Simone Inzaghit nuk po lë gurë pa lëvizur në funksion të përmirësimit të organikës dhe 23 vjeçari vlerësohet shumë nga traineri italian . Javët e fundit emri i serbit është lidhur me disa klube të njohura por futja në garë e Interit i ka ndryshuar gjërat sepse me suksesin e arritur në Serinë A justifikon çdo lloj interesi për lojtarë të kalibrit .
Ish traineri i Lazios kërkon një zëvëndësues ideal në momentin që Romelu Lukaku nuk do të jetë i disponueshëm dhe Luka Jovic ka krijuar një lloj entuziazmi për arsye se paraqet një rrezik konstant për portat kundërshtare . Nga ana tjetër parashikohet se madrilenët do ta vlerësojnë këtë tentativë sepse do të kërkojnë të evitojnë qëndrimin në ‘’ Santiago Bernabeu ‘’ të komponentëve që nuk bëjnë pjesë në planet e Carlo Ancelottit për sezonin e ri .
Objektivi i drejtuesve kryeqytetas është huazimi i serbit ashtu siç ndodhi edhe me Brahim Diaz tek rivalët e përjetshëm të tyre për të cilin në verën e 2019-tës derdhën në arkat e gjermanëve 60 milionë euro . Ky skenar e favorizon të ardhmen e Luka Jovic sepse do të bëhej pjesë e një ekipi kampionësh i cili do të ketë punë përpara sidomos me rikthimin në Uefa Champions League .
4 gola në 18 ndeshje tek Frankfurti ishin finalizimi i një sezoni pozitiv që i dha shansin gjermanëve për të shijuar emocionet e Europa Leagues sezonin vijues .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
