Sulmuesin e Kombëtares shqiptare, Armando Broja, e ka ndjekur fati i keq, teksa u dëmtua në miqësore ndaj Aston Villa dhe sezoni për të është mbyllur, pasi do i nënshtrohet operacionit.
Lojtari ka pësuar këputje në ligamentin e gjurit dhe kjo do e mbajë jashtë fushave të blerta për 6-7 muaj.
Pas këtij dëmtimi, ka reaguar edhe vetë Broja, i cili shkruan se kjo është një pengesë e vogël, për gjërat e mira që do vijnë në të ardhmen.
Postimi i Brojës:
I shkatërruar që 2022-ën ta mbyllim në këtë mënyrë.
Ka qenë e vështirë të përpunosh gjithçka gjatë ditëve të fundit, por jam i vendosur të kthehem edhe më i fortë dhe më i mirë se më parë.
Secili ka udhëtimin e tij drejt majës, kjo është vetëm një pengesë e vogël për gjërat e mira që do të vijnë në të ardhmen.
Faleminderit të gjithëve që keni dërguar mesazhe mbështetjeje. Do të thotë shumë. I vlerësoj të gjithë. Do të kthehem së shpejti!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
