Në sezonin aktual tek Chelsea po vihet re një rënie progresive referuar rendimentit të përgjithshëm, i reflektuar me renditjen në vendin e 9-të, pas 9 sfidave.
Ndër vite ‘’ Blutë e Londrës ‘’ kanë patur një histori ndryshe dhe kjo situatë i ka shtyrë drejtuesit të marrin vendime shumë të rëndësishme për vijimësinë.
Merkatoja vijuese apo ajo e verës do të jenë kyçe për të përballuar të ardhmen në formën më të mirë të mundshme dhe kësaj rradhe traineri Enzo Maresca e ka përqëndruar vëmëndjen tek përforcimi i ofensivës.
Joaquin Panichelli i është bashkuar listës së italianit i cili po zhvillon ndeshje shumë të mira me Strasburgun.
Pas transferimit nga Mirandes 23 vjeçari është adaptuar shpejt në Ligue 1, i cili numëron 10 gola në 13 sfida në sezonin e parë me francezët.
Një avantazh për kryeqytetasit është se Strasburgu është në pronësi të Todd Boehly-t dhe kalimi i Joaquin Panichellit do të konsiderohej një goditje e qëlluar gjatë merkatos së verës.
Megjithatë, për argjentinasin po insiston edhe Milani, një ekip me shumë traditë, i cili ja rrit automatikisht vlerat.
Si gjithmonë do të zhvillohet një sfidë gjigandësh për këtë sulmues, i cili karakterizohet për shtatlartësinë, shpejtësinë dhe arritjen me sukses tek golat.
Kontrata me Strasburgun i përfundon në 2030-tën dhe tashmë dyert e ‘’ Stamford Bridges ‘’ për golashënuesin janë hapur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
