Mario Hermoso, opsion për Barcelonën

Dihet se gjatë merkatos së verës prioritet absolut për drejtuesit e Barcelonës mbetet përforcimi i prapavijës.

Katalanasit ende vijojnë me problematika të theksuara në këtë aspekt dhe në orët e fundit listës së Xavi Hernandez i është shtuar Mario Hermoso.

28 vjeçari e përfundon kontratën me Atletico Madridin në 30 qershor por eksperienca e fituar ndër vite në La Liga është një plus për të ardhmen e tij.

Problematikat e theksuara të “ Los Cules “ në aspektin ekonomik i detyrojnë të analizojnë lojtarë me një kosto të përballueshme dhe Mario Hermoso po fiton gjithmonë e më shumë terren.

Për madrilenin transferimi në “ Camp Nou “ do të ishte një sfidë tejet e vështirë aq edhe emocionuese dhe njëkohësisht një privilegj duke qenë se kjo skuadër bëri ligjin në çdo kompeticion në të kaluarën.

Merkatoja e verës do të jetë një periudhë përcaktuese për Barcelonën, ekip i cili në vitet e fundit ka mbetur në prapavijë por në sezonin vijues do të tentojë të rikthehet tek titujt.

Në aktualin nxënësi i “ Cholo “ Simeones numëron 2 gola në 38 sfida dhe nëse do të bëhet pjesë e Barcelonës, adaptimi mund të jetë shumë i shpejtë duke qenë se e njeh shumë mirë këtë ekip për aryse të përballjeve në të kaluarën.