Me kalimin e kohës Cole Palmer ka lënë për të kuptuar se është një ndër më të rëndësishmit në skemat e trainerit Enzo Maresca.
Italiani ka arritur të marrë më të mirën nga mesfushori, tashmë i përfshirë në listën e Pep Guardiolas.
Në të shkuarën e afërt Khaldoon Al Mubarak ofroi 170 milionë stërlina për 23 vjeçarin por fatkeqësisht drejtuesit e ‘’ Bluve të Londrës ‘’ e refuzuan.
Krerët e Chelseat i kanë bërë mirë llogaritë dhe nuk kanë ndërmend të lejojnë largimin e Cole Palmerit nga ‘’ Stamford Bridge ‘’ për më pak se 250 milionë stërlina, shifër e cila rikonfirmon rëndësinë e tij tek ish fituesit e Champions Leagues.
Ndërkohë i famshmi Pep e dëshiron sa më shpejt në ‘’ Etihad ‘’, aty ku hodhi hapat e parë drejt famës.
Një rikthim tek bardhekaltërit do të ishte një plus për ofensivën, i cili e ka kapacitetin për tu adaptuar me shpejtësi në disa pozicione dhe mbetet një siklet për çdo rival.
Javët vijuese do të jenë determinante për të ardhmen e Cole Palmer, një ndër më cilësorët jo vetëm në kampionatin anglez por edhe në Europë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
