Milan dhe Inter kanë bërë të ditur se projekti i “Populous” për stadiumin e ri, është zgjedhur fitues. Në javët në vijim do të finalizohen detajet për të përcaktuar kushtet dhe zhvillimi i dizajnit të stadiumit të ri të Milanos, synimi është të arrihet në një prezantim të një projekti të plotë gjatë vitit 2022.
Ndryshe nga stadiumi aktual i dy klubeve Meazza, i cili ka një kapacitet prej 80 mijë vendesh, stadiumi i ri do të ketë një kapacitet prej 65 mijë vendesh. I mbështjellë nga një fasadë xhami, ai do të rrethohet nga një galeri që do të ajroset dhe me panele diellore të integruara në çatinë e ndërtesës: është projektuar të jetë sistemi më eko-qëndrueshëm në Evropë. Më tej, falë instalimeve teknologjike, stadiumi do të bëhet zikalter dhe kuqezi në varësi të ekipit që do të luajë.
Me stadiumin e ri që pritet të jetë gati në vitin 2027, secili klub pritet të arkëtojë rreth 80 milionë euro fitime në vit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
