Mesfushori i Partizanit, Esat Mala ka folur para mediave, ku tha se të kuqtë nuk janë të kënaqur me barazimin e arritur ndaj Dinamos.
Në fjalët e tij, Mala deklaroi se pikët e lëna me Dinamon, duan t’i marrin me Kukësin në mesjavë. Lojtari u shfaq besimplotë se në fund skuadra do të arrijë ato që dëshiron.
“Prisnim më shumë ndaj Dinamos. E kishim vlerësuar ndeshjen në maksimum. Shpresuam në fitore dhe dhamë maksimumin. Nuk i shfrytëzuam rastet tona. Nuk jemi të kënaqur me rezultatin.
Nuk dorëzohemi, ka ndeshje. Edhe ekipet e tjera po gabojnë. Ka ndeshje plot, kampionati është i paparashikueshëm. Do tentojmë maksimumin për tre pikë në çdo ndeshje. Do u shkojmë në fund të dy kompeticioneve. Në fund do e shohim ku do jemi. Besoj se do e arrijmë atë që duam.
Kukësi ka një ekip shumë të mirë. E vlerësojmë maksimalisht. Do përgatitemi edhe ne për këtë ndeshje. Shpresojmë që pikët që lamë me Dinamon, t’i marrim me Kukësin”, tha Mala.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
