Vllaznia e ka nisur me humbje rrugëtimin e saj në Europë, teksa është mposhtur ditën e sotme nga Siroki Brijeg me rezultatin 3-1, në ndeshjen e vlefshme për raundin e parë eliminator në Conference League.
Shkodranët ishin të pafat ndaj boshnjakëve, teksa u ndëshkuan nga dy penallti të dyshimta. Fillimisht ishte Gurishta që pas një dyluftimi në zonë, pa që të akordohej penallti në minutën e 43-të, e cila u shndërrua në gol nga Stanic. Ishte përsëri i njëjti autor, i cili me penallti në minutën e 53-të dyfishoi shifrat.
Skuadra e Brdaric u mundua të reagojë, duke iu afruar disa herë golit me sulmuesit Hoxhaj dhe Dilaver, por pa sukses. Kur pritej që kuqeblutë të ngushtonin diferencën, erdhi edhe goli i tretë për Sirok. Këtë herë ishte Lukic, i cili shfrytëzoi në maksimum një krosim të marrë nga Medic, duke gjuajtur bukur në zonë dhe duke e ndalur topin në rrjetë. Vllaznia gjeti golin e vetëm në fundin e takimit, kur Çoba shfrytëzoi mjaft mirë një top të mbetur në zonë, duke e dërguar në rrjetë dhe duke i dhënë kështu shkodranëve shpresë për një përmbysje në ndeshjen e kthimit pas një jave në “Loro Boriçi”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
