Pas dështimit me Rafa Mir dhe Dusan Vlahovic , Atletico nuk ka preferuar të humbasë aspak kohë duke vazhduar me këmbnguljen në merkato . ‘’ Los Colchoneros ‘’ janë përqëndruar tek Matheus Cunha , lojtar që është në pronësi të Hertha Berlinit . Sipas gazetarit italian Fabrizio Di Romano braziliani është shëndërruar në prioritetin e kryeqytetasve në lidhje me repartin e avancuar .
Gjatë merkatos së kaluar gjermanët arritën me sukses blerjen e 22 vjeçarit nga Leipzig, operacion që i kushtoi arkave 18 milionë euro .
Paraqitjet e bëra nga Matheus Cunha ia kanë rritur vlerën e kartonit i cili sipas Transfermarkt kap 30 milionë eurot dhe gjithashtu shanset për të hedhur hapin e ëndërruar të cilat i ka kanalizuar në 8 asiste dhe 8 gola në 28 ndeshjet e zhvilluara . Progresi i ishi-t të Sionit u reflektua edhe në lojërat Olimpike të Tokios , eveniment në të cilin shënoi tre gola duke përfshirë një në finalen e fituar kundër Spanjës .
Gjithashtu gazetari i famshëm italian ka shtuar se negociatat ndërmjet palëve kanë nisur tashmë dhe fakti se është kampioni në fuqi i La Ligas parashikohet se mund ta favorizojë Atleticon për transferimin e Matheus Cunha në ‘’ Wanda Metropolitano , aty ku do të vihej nën urdhërat e një ndër trainerëve më të famshëm siç është Diego Simeone.
Një ndër cilësitë më të spikatura të tij është adaptimi me lehtësi në çdo pozicion dhe ky aspekt shikohet si shumë favorizues për skemat e trainerit argjentinas .
Sezoni i ri do të nisë me etiketën e kampionit të lojërave Olimpike me ‘’ Seleçaon ‘’ dhe javët në vijim pritet të përcaktojnë të ardhmen e një ndër komponentëve kyç të Hertha Berlinit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
