Tenisti spanjoll, Rafael Nadal, nuk do të marrë pjesë në turneun Masters 1000 në Monte-Carlo që zhvillohet nga data 7 deri më 14 prill.
Kjo u bë e ditur nga vetë 37-vjeçari, i cili nëpërmjet një postimi në rrjetet sociale, shkruan se trupi nuk e lejon të luajë dhe duhet të vazhdojë rikuperimin nga dëmtimi.
Postimi i Nadal:
Përshëndetje të gjithëve. Këto janë shumë kohë të vështira për mua sa i takon aspektit sportiv. Për fat të keq më duhet t’ju lajmëroj se nuk do të marrë pjesë në Monte-Carlo, trupi im nuk më lejon të luaj. Edhe pse po punoj shumë dhe po bëj të pamundurën për të luajtur dhe të konkurroj në nivele të larta, e vërteta është se për momentin nuk mund të luaj.
Nuk e keni idenë se sa e vështirë është kjo për mua. Por, e vetmja gjë që mund të bëj është të pranoj realitetin dhe të shoh me entuziazëm nga e ardhmja, me dëshirën se gjërat mund të përmirësohen. Ju falënderoj të gjithëve për mbështetjen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
