Andriy Shevchenko pritet të zyrtarizohet si trajneri më i ri i Genoas. Sipas mediave italiane, marrëveshja mes palëve është arritur dhe tashmë pritet vetëm zyrtarizimi.
Trajneri ukrainas do të firmosë një kontratë 2-vjeçare dhe debutimin në stolin e skuadrës xhenoveze pritet ta bëjë më 21 nëntor, ndaj Romës së Jose Mourinho.
Pronarët e rinj, aspak të kënaqur me Davide Ballardinin, kanë vendosur ta shkarkojnë këtë të fundit dhe vendin e tij do e marrë ish-lojtari i Milanit.
Pasi arriti suksese të mëdha si futbollist në Itali me Milanin, tashmë do të kërkojë të bëjë të njëjtën gjë edhe si trajner.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
