Në kohët e fundit e ardhmja e Fermin Lopez në ‘’ Camp Nou ‘’ është vënë seriozisht në dyshim.
Mesfushori ka zhvilluar paraqitje të shkëlqyera me Barcelonën dhe interesi i ekipeve të elitës është i pashmangshëm.
Chelsea po insiston për spanjollin dhe pronari Todd Boehly është i gatshëm të dërgojë në zyrat e ‘’ Los Blaugranas ‘’ një ofertë të konsiderueshme.
Sipas ‘ Sport ‘, manjati i ‘’ Bluve të Londrës ‘’ i ka ofruar 15 milionë euro në sezon dhe tek Barcelona përfiton 6 milionë euro në sezon.
Sigurisht bëhet fjalë për një shifër e cila gati e trefishon pagen aktuale dhe tashmë i mbetet në dorë Fermin Lopezit të vendosë.
Për më tepër ishi i Deportivo Linares ende nuk e ka të sigurtë vendin e një itullari në 11-shen e trainerit Hansi Flick, fakt që mund të pasohet nga një transferim në ‘’ Stamford Bridge ‘’.
Natyrisht që për Fermin Lopez do të jetë një vendim i vështirë duke marrë në konsideratë se merkatoja e verës mbyllet në 31 gusht.
Në fakt gjatë verës edhe Manchester United tentoi blerjen e kartonit të tij por fatkeqësisht drejtuesit morën një përgjigje negative.
Nëse do të qëndrojë në Katalunjë këtij lojtari do ti duhet të rivalizojë me shokët e tij për të konsoliduar vendin e një titullari të padiskutueshëm dhe të shëndërrohet me kalimin e kohës në një referent tek kuq e blutë, dhe pse jo edhe tek ‘’ La Furia Roja ‘’ e Luis de la Fuentes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
