Menjëherë pasi Liga Profesioniste vendosi sot të ndërpriste bojkotin e futbollit ka reaguar kryeministri Rama duke i përshëndetur dhe duke i dërguar një mesazh naftëtarëve, që prej ditësh javë në grevë urie.
Fillimisht kryeministri bojkotin e Ligës Profesioniste e quan absurd, ndërsa më pas thotë se me fundin e tij është kohë për të gjetur zgjidhje me mirëbesim. Në këtë mënyrë Rama i dërgon edhe një mesazh direkt naftëtarëve, duke shtuar ‘se shpresoj të marrin shembull’.
Prej kohësh kryeministri i fton naftëtarët të mbyllin grevën dhe më pas të diskutojnë për pagat e prapambetura, ndërsa konkretisht në reagimin e tij në ‘tëitter’ pas ndërprerjes së bojktotit të futbollit shkruan:
“E përshëndes fundin e bojkotit absurd të Ligës Profesioniste të Futbollit dhe rifillimin e kampionatit të dielën!Tani po,gati të flasim me Federatën Shqiptare të Futbollit për të zgjidhur me mirëbesim e mirëkuptim hallet e Ligës!Uroj që naftëtarët të marrin shembull.Unë jam gati.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
