Dy nga më të rëndësishmit e bordit drejtues të Interit si Beppe Marotta dhe Piero Ausilio kanë filluar tentativat në lidhje me rinovimin e tre nga lojtarëve më të rëndësishëm siç janë Lautaro Martinez, Henrikh Mkhitaryan dhe Federico Dimarco. Këto tre komponentë konsiderohen të domosdoshëm nga Simone Inzaghi, kontributi i të cilëve do të mbetet gjithmonë në memorien e drejtuesve zikaltër, lojtarë që e ndihmuan Interin për të arritur deri në finalen e Champions Leagues në sezonin e shkuar, të humbur fatkeqësisht kundër Manchester City-t. Këtë histori italianët do ta nisin me një avantazh për arsye se nxënësit e trainerit 47 vjeçar kanë shprehur gatishmërinë për të qëndruar në ‘’ Giusseppe Meazza ‘’ , të paktën deri në 2028-tën. Në vitet e fundit dhe sidomos me mbërritjen në finalen e kompeticionit më të rëndësishëm europian për klube, Interi ka fituar mjaft terren duke u shëndërruar në një rival të sikletshëm si në Serinë A ashtu edhe në Europë, falë punës së Simone Inzaghit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
