U hodh ditën e sotme në Nyon të Zvicrës shorti për “Play Off” e Botërorit. 12 kombëtare, që do të luftojnë për 3 vende, teksa tashmë kanë mësuar edhe kundërshtarët me të cilët do të përballen.
Shorti ka vendosur përballë Italinë me Maqedoninë e Veriut dhe skuadra që do të kualifikohet këtu, do të përballet me fituesin e çiftit Portugali-Turqi, për t’u vendosur më pas kombëtarja që do të shkojë në Botëror. E sigurt tashmë është se një nga Italia ose Portugalia do i mungojë Botërorit të Katarit.
Interesante është edhe shorti me Suedinë që fillimisht sfidon Republikën Çeke dhe më pas ekipi që kualifikohet do të përballet me fituesin e Rusi-Poloni, për të siguruar biletën për në Botëror.
Uellsi sfidon Austrinë, aty ku fituesi do të përballet me kombëtaren që është kualifikuar në sfidën mes Skocisë dhe Ukrainës.
SHORTI:
Grupi A
Skoci - Ukrainë
Uells - Austri
Grupi B
Rusi - Poloni
Suedi - Çeki
Grupi C
Itali - Maqedoni e Veriut
Portugali - Turqi
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
