Liverpooli, tjetër opsion për mesfushën

Pas refuzimit të Martin Zubimendit, drejtuesit e Liverpoolit kanë nisur përpjekjet për blerjen e një tjetër mesfushori.

Bruno Guimaraes falë paraqitjeve me Newcastlen është shëndërruar në objektivin e rradhës për ‘’ Të Kuqtë ‘’, i cili në të kaluarën u pretendua nga Real Madridin.

Prej dy sezonesh e gjysmë në ‘’ St James Park ‘’ braziliani e ka treguar veten si një ndër më të mirët e ‘’ Las Urracas ‘’, ekipi më i pasur i botës aktualisht.

Në të kaluarin 26 vjeçari u aktivizua në 50 sfida nga traineri Eddie Howe dhe interesi i ekipeve me emër për të është i paevitueshëm.

Kapaciteti si në aspektin defensiv ashtu edhe në atë ofensiv është një ndër pikat e forta të Bruno Guimaraes, tejet efikas edhe në duelet një kundra një, prezenca e të cilit i jep siguri prapavijës dhe avantazhe ofensivës.

Megjithatë, referuar cilësive, natyrisht drejtuesit e Newcastles nuk janë të gatshëm ta lejojnë largimin e Bruno Guimaraes për më pak se 100 milionë euro, në sajë të kontributit të deritanishëm.

Ditët e fundit të merkatos mund të rezultojnë deçizive për të ardhmen e fantazistit nga Rio de Janeiro, një element përcaktues edhe tek ‘’ Seleçao ‘’.

Me Arne Slotin në stol, Liverpooli ka nisur një tjetër etapë në historinë e tij, me kryefjalë fitimin e titujve në vijimësi, edhe pse do të jetë shumë e vështirë për arsye të rivalitetit të ashpër në të gjithë kompeticionet.