Antonio Conte dhe Andrea Pirlo ishin rivalë gjatë gjithë kampionatit që sapo u mbyll, teksa drejtonin përkatësisht Interin dhe Juventuesin.
Conte e mbylli kampionatin në mënyrën më të mirë të mundshme, duke festuar titullin kampion, ndërsa Pirlo nga ana tjetër nuk shkoi më shumë se vendi i tretë me Juventusin. Pas përfundimit të sezonit të dy trajnerët mbyllën bashkëpunimin me skuadrat dhe tani janë të papunë.
Megjithatë rivaliteti mes dy trajnerëve ka mbetur vetëm në fushë, pasi jashtë saj janë miq të ngushtë. Këtë gjë e kanë konfirmuar edhe së fundmi, teksa janë shfaqur duke shijuar pushimet bashkë.
Conte dhe Pirlo janë filmuar bashkë me bashkëshortet e tyre, teksa shijojnë pushimet në Ibiza.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
