Vijimësia e mbrojtësit Kalidou Koulibaly tek Napoli mbetet ende në dyshim sepse drejtuesit e italianëve akoma s’po i shohin rezultatet në lidhje me rinovimin e kontratës dhe përpara kësaj situate shqetësuese kanë menduar për dy alternativa për prapavijën .
Sipas ‘ La Reppublicas ‘ , Marcos Senesi i Feyenoord dhe Jose Luis Palomino i Atalantës po vëzhgohen me kujdes nga Luciano Spalletti i cili do të shijojë emocionet e pafundme të Champions Leagues në sezonin vijues .
Lufta në tre fronte për ‘’ Azurrët “ do të jetë një sfidë shumë e vështirë por eksperienca e italianit sigurisht do ti ndihmojë për të avancuar më tej .
Në lidhje me Marcos Senesin, mund të thuhet se ky sezon përkufizohet si shumë i suksesshëm sepse siguroi një bilete për në Europë në sezonin e ardhshëm dhe arriti deri në finalen e Conference Leagues me hollandezët të cilët s’mundën ta mposhtin Romën e Jose Mourinhos.
Ndërsa bashkombi Jose Luis Palomino nuk mundi të vijojë rrugën e suksesshme prej disa sezonesh me Atalantën , rival që mbeti jashtë Europës dhe duke qenë se Napoli e ka të prerë biletën për në Champions League, mund të rezultojë një arsye e mjaftueshme për tu transferuar në ‘’ Diego Armando Maradona “.
Ja vlen të përmendet se Kalidou Koulibaly konsiderohet një ndër mbrojtësit më të mirë të Scudettos në vitet e fundit por me Barcelonën pas dere , vendimarrja e senegalezit mund të lidhet me transferimin në ‘’ Camp Nou ‘’ , tek një ekip që po e merr veten por problematika kryesore mbetet reparti i mbrojtjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
