Inter dhe United futen në garë për Fekir

 Sezoni i shkëlqyer që është duke zhvilluar skuadra e Real Betisit tashmë i ka dhënë sinjalet e para  në lidhje me merkaton .

Tre  gjigandë të kontinentit të vjetër si Manchester United , Liverpool dhe Interi janë hedhur në sulm për mesfushorin e avancuar të  andaluzëve Nabil Fekir .

‘’ The Redsat ‘’ kanë vendosur të tentojnë përsëri transferimin e 27 vjeçarit në ‘’ Anfield Road ‘’ pasi merkaton e kaluar nuk arritën ta konkretizonin me sukses këtë operacion  dhe do ti duhet të masin forcat me ‘’ Djajtë e Kuq ‘’ dhe ziklatërit .

Eksperienca me ‘’ Los Verdiblancos ‘’ ka rezultuar një trampolinë e sigurtë për të arritur deri në këtë stad  sepse konsiderohet si një ndër nxënësit më të mirë të kilianit Manuel Pellegrini .

Deri më tani Real Betisi e ka mbajtur  të shkruar emrin si një pretendet potencial për tu përfshirë në kompeticionet europiane sezonin e ardhshëm , fakt që ia ngren  ndjeshëm kreditet Nabil Fekir dhe e bën edhe më tërhëqes për skuadrat e lartpërmendura. 

Edhe pse momentalisht   për sulmuesin nga Lyoni nuk është bërë një ofertë konkrete   diçka e tillë pritet të ndodhë shumë shpejt .

Parashikohet se pretendimi ekonomik i andaluzëve do të jetë i konsiderueshëm sepse bëhet fjalë për një ndër perlat e tyre dhe do të mundohen të përfitojnë sa më shumë nga ky fakt .  

Interesi i Inter dhe Manchester United në mënyrë evidente  inicion një tjetër histori në  karrierën e Nabil Fekir dhe pritet se fjalën e fundit do ta ketë merkatoja e verës e cila do të përcillet me shumë interes . 

Nabil Fekir vazhdon të mbajë mbi supe një peshë specifike të sulmit të ‘’ Los Beticos ‘’  dhe këtë  fakt e ka demostruar me 30 prezenca të suksesshme në të cilat ka mundur të gjejë 3 herë rrugën e rrjetës dhe ka rezultuar efikas me 5 asiste për shokët e tij duke e bërë mjaft mirë detyrën në repartin e avancuar .