“Gjeorgjia, e vështirë”, Reja: Broja nuk është për miqësore, Asllani do ketë karrierë të suksesshme

Trajneri i Shqipërisë, Edoardo Reja, foli pas miqësores ndaj Gjeorgjisë, sfidë e cila u mbyll në barazim pa gola. Reja tha se përballë ishte një kundërshtar i vështirë, ndërsa shtoi se motivimi pas ndeshjes me Spanjën nuk ishte i lehtë.

Tekniku italian foli edhe për Kristjan Asllanin, për të cilin deklaroi se e pret një karrierë e suksesshme dhe ka pasime shumë të mira.

Pas ndeshjes me Spanjën motivacionet ishin krejt të ndryshme. Sigurisht kur ke ndeshje të tilla kaq afër, duhet të bësh rotacion. Jam i kënaqur me Asllanin, ka treguar personalitet, nuk ka frikë në fushë. Po përpiqem të gjej lojtarë të rinj, t’i afroj dhe ta bëj skuadrën më kompetitive. Në miqësore është e rëndësishme të fitosh lojtarë të rinj. Gjeorgjia është një skuadër që ka mundur Bosnjën. Skuadrën shumë e vështirë, për t’u përballur. E dinim që ishte skuadër e fortë. Motivimi karikimi i skuadrës pas ndeshjes me Spanjën, ishte disi i vështirë, djemtë vrapuan shumë dhe dhanë maksimumin. Në 20 minutat e fundit u përpoqëm të gjenin golin, por nuk ia dolëm. Këto skuadra lenë shumë pak hapësira dhe ne i vuajtëm mungesën e hapësirave dhe ngjeshjen mbrapa.

Asllani dhe Gjasula luajnë në të njëjtin pozicion, përpara mbrojtjes. Asllani pasime shumë të mira. Ndonjëherë është shumë i shpejtë dhe lojtar i rëndësishëm. Do të ketë një karrierë të suksesshme sipas meje.

Për sa i përket një ndryshimi të mundshëm të skemës në të ardhmen, Reja tha se mund të ndodhë në të ardhmen, ndërsa për Brojën u shpreh se nuk është lojtar për miqësore, pasi nuk ka stimuj për të tilla ndeshje.

Skema? Mund edhe të provoja diçka ndryshe, por nuk kisha karakteristikat e duhura, për të bërë ndryshimet e duhura. Duhet të kesh 2 skuadra të përshtatshme për të bërë prova. Ndoshta në një ndeshje tjetër, me siguri do të bëj diçka ndryshe. Gjimshiti ka qejf të luajë me 3 në mbrojtje.

Broja nuk ishte në ditën e tij më të mirë. Kishte probleme në kavilje. Kur ndez dritat është i papërmbajtshëm, por nuk është lojtar për miqësore. Ka nevojë për stimuj më të mëdhenj, për skuadra më cilësore.