Karriera e Cristiano Ronaldos ka marrë një tjetër ngjyrë së fundmi . Me 37 vite mbi supe dhe me një kurrikulum brilant në Europë portugezi po mendon seriozisht rikthimin tek Sportingu Lisbonës . Kontrata e ‘’ Cr7 ‘’ me Juventusin mbetet e vlefshme deri në qershorin e 2022-shit dhe gjatë kësaj kohe me siguri do të shfrytëzojë të gjitha opsionet për tu rritur profesionalisht dhe tjetërsimin e impaktit në aspektin e trofeve . Lajmi bombastik është publikuar nga ‘’ Sport Media ‘’ nga gazetari i njohur Claudio Raimondi dhe gjithashtu nga portali i njohur portugez ‘’ Record ‘’ .
Në lidhje me dëshirën e golashënuesit luzitan gazetari italian ka deklaruar kështu :
“ Dëshira e Ronaldos është përfundimi i ciklit tek Juventusi dhe me pas të luajë për 2 sezone me Sportingun deri në momentin e varjes së këpucëve në gozhdë “ , përfundoi Claudio Raimondi .
Ja vlen për tu përmendur se Cristiano Ronaldo arriti të hedhë hapin me të rëndësishëm në karrierë në vitin 2003 duke u bërë pjesë e Manchester United , moment që shënoi ngjitjen e shkallëve drejt një stadi tjetër . Anglezët ishin piknisja e triumfeve të njëpasnjëshëm të sulmuesit nga Madeira që vazhduan të njëjtën rrjedhë edhe tek ‘’ Galaktikët ‘’ e Real Madridit duke u kurorëzuar me fitimin e 5 topave të artë , trofe të cilët e kanë shëndërruar ndër lojtarët më të mirë të historisë së futbollit. Në të shumtat e rasteve histori të tilla përfundojnë në këtë mënyrë sidomos për lojtarë të kalibrit botëror të cilët pas arritjes së sukseseve nuk e harrojnë asnjëherë dashurinë e parë dhe vendosin të rikthehen për të mbyllur karrierën . Dëshira e madhe për progres asnjëherë nuk e ka lënë me duar bosh Cristiano Ronaldon i cili edhe në këtë sezon e ka treguar se mosha është thjesht një numër sepse ka shënuar 34 gola dhe 4 asiste në 40 ndeshjet me ‘’ Zonjën e Vjetër ‘’ dhe i mbetet një finale për të luajtur , pikërisht atë kundër Atalantës , e vlefshme për kupën e Italisë . Ndeshje të tilla pa diskutim janë të preferuarat e bishës portugeze që nuk ka të ndalur me produktivitetin në fushën e lojës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
