Situata e Arda Guler tek Real Madridi është ndërlikuar në kohët e fundit.
Turku nuk po gjen hapësirat e mjaftueshme nën drejtimin e Carlo Ancelottit, tek ky ekip tek i cili presioni është shumë i madh.
Cilësitë e mesfushorit as që mund të vihen në diskutim por mundësitë e reduktuara e kanë bërë të reflektojë dhe ta mendojë të ardhmen larg ‘’ Santiago Bernabeut ‘’.
Flitet se 20 vjeçari mund të largohet nga kryeqytetasit me formulën e huazimit, me qëllimin e aktivizimit si titullar tek një tjetër ekip.
Kjo besohet se është zgjidhja për ishi-n e Fenerbahçes, i cili është prej dy vitesh pjesë e ‘’ Los Merengues.
Natyrisht disa ekipe po e ndjekin me kujdes Arda Gulerin, i cili me shumë gjasa do të huazohet nëse traineri italian vijon eksperiencën me spanjollët.
Tek ‘’ Los Blancos ‘’ rivaliteti është shumë i ashpër dhe nëse nuk je në lartësinë e duhur, fatkeqësisht të takon të ngrohësh stolin.
Gjithsesi në sezonin aktual fantazisti është aktivizuar në 31 sfida, të shoqëruara me 3 gola dhe 5 asiste, por si duket këto statistika konsiderohen të pamjaftueshme për të qëndruar tek Real Madridi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
