Liverpool mendon rikthimin e Coutinhos

 Ekonomia e dobët e Barcelonës vijon të shpaloset  në momentin delikat të katalanasve edhe në aktualitet . Spanjollët nuk mund të regjistrojnë lojtarin e sapoblerë Ferran Torres sepse duhet të bëjnë disa reduktime në lidhje me pagat , fakt që do të konsiderohej një frymëmarrje për ta .

 Tekniku Xavi Hernandez vijon përqëndrimin maksimal tek spastrimet , dhe Philippe Coutinhos i është hapur me kohë dera për tu larguar nga ‘’ Camp Nou ‘’.

Braziliani nuk ka bindur  dhe sipas ‘ Mundodeportivos ‘ shumë klube, veçanërisht nga Premier League duan t’ia  shpëtojnë karrierën ekstremit . Një prej tyre është Liverpooli që kërkon ta rikthejë në kampionatin ku la gjurmë .

Parashikohet se  kjo pistë do të vlerësohet  nga 29 vjeçari sepse ‘’ The Redsat ‘’ i dhanë mundësinë për të triumfuar dhe ‘’ Anfield Road ‘’ vijon të jetë i ngulitur në mendjen e lojtarit nga Rio De Janeiro .  

Por Liverpooli do të ketë një konkurrencë jo të lehtë për ishi-n e Interit sepse edhe Arsenal , Aston Villa dhe  Evertoni do te masin forcat ndermjet tyre për një lojtar që kërkon ti harrojë sa më shpejt ‘’ Blaugranët “ .  

Sigurisht Liverpooli është më i avantazhuar në këtë aspekt  por  nuk mund të shmangen as  surprizat  . Një fakt shumë i rëndësishëm është se në muajin dhjetor do të startojë Botërori i Katarit dhe  Philippe Coutinhos i duhet nje zgjidhje e menjëhershme për të filluar akumulimin e minutave sepse në të kundërt do të vihej në rrezik pjesëmarrja me kombëtaren e ‘’ Seleçaos ‘’ e cila konsiderohet ndër favoritët kryesorë për të  ngritur kupën .

Interesi i Liverpoolit konceptohet si qershia mbi tortë për këtë lojtar i cili ka kujtime shumë të bukura nga Premier League, aty ku kaluar pjesën më të madhe të karrierës si profesionist . Vetëm 16 ndeshje dhe 2 gola numëron nxënësi i Xavi Hernandez në sezonin aktual por gjasat janë se do ta përfundojë shumë shpejt eksperiencën në Katalunjë e cila e ka bërë të reflektojë në lidhje me të ardhmen .