Egnatia është finalja e madhe e këtij sezoni në kampionatin “Abissnet Superiore”, e cila do të luhet të hënën, më 12 maj, në orën 20:00, në stadiumin “Arena Kombëtare”.
Edmond Dibra, gazetar tha në “Mcn Informacion” se tifozeria kuqeblu është e ekzaltuar, dhe shumica e biletave janë shitur. Ai vuri në dukje se ka edhe tifozë që po vijnë nga diaspora për të ndjekur Vllazninë në finale.
“Është një ngjarje e jashtëzakonshme. Titulli pritet, tifozeria është në kulm, e ekzaltuar, por skuadra është me këmbë në tokë. E gjithë Shkodra do zbarkojë në Air Albania. Tribuna pas porte është pothuajse e ezauruar, edhe tribuna qendrore është gjysma e shitur, dhe jemi 5 ditë para finale. 24 vite që Vllaznia pret titullin. Vllaznia udhëhiqet nga një gjeneral, Bekim Balaj, që është bekimi i Vllaznisë. Nga diaspora do të vijë një numër i shumtë tifozësh për të ndjekur ndeshjen. Euforia është te tifozeria, por djemtë janë me këmbë në tokë. Shkodra është në festë, që ditën e sotme s’ka lokal që s’ka simbol kuqeblu. Skuadra e Vllaznisë në Shkodër është fe, është dashuri pa kushte”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
