Kapiteni i Egnatias, Renato Malota, në konferencën para finales me Partizanin, deklaroi se rrogozhinasit kanë ekip solid dhe do të kërkojnë me ccdo kusht titullin kampion.
Mbrojtësi, tha se ky takim do të vendoset nga episodet, ndërsa theksoi se do të jetë ndeshje fizike.
Partizani ka lojtarë me eksperiencë, por ne e kemi vërtetuar që kemi një ekip solid dhe do t’ia dalim të bëjmë më të mirën. Nuk do të jetë problem për ne.
Sa i përket strategjisë, nuk flas dot, janë detaje para ndeshjes. Këto i përkasin trajnerit dhe ne do të flasim në fushë. Dihet që kjo finale është e rrallë dhe nuk ka ndodhur më para. Kemi fatin ta provojmë nesër. Kam pasur fatin të luaj shumë finale dhe shpresoj që edhe këtë herë të dal fitimtar.
Kampionati anglez është fizik dhe mendoje se nesër do të jetë një ndeshje fizike. Ne dhe Partizani kemi fatin të gjykohemi nga një arbitër i huaj. Një ndeshje që do të vendoset nga episodet dhe skuadra që do të gabojë më pak do të fitojë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
