Pas periudhës së vështirë tek Barcelona, problemet për Miralem Pjanic vijojnë me të njëjtat ritme . Kur u mendua se boshnjaku mund ta gjente shumë shpejt strehën , katër skuadra të Serisë A e kanë anashkaluar këtë opsion duke u fokusuar maksimalisht tek sezoni i ri në të cilin synojnë të përfaqësohen denjësisht . Sipas OneFootball të parët që e kanë refuzuar rikthimin e mesfushorit janë juventinët të cilët me transferimin e Manuel Locatellit në cilësinë e huazimit në ‘’ Allianz Stadium ‘’ e kanë plotësuar boshllëkun .
Kur u mendua se rikthimi i Massimiliano Allegrit mund ti hapte dritën jeshile këtij lojtari për t’iu ribashkuar torinezëve , gjërat kanë marrë një tjetër rrjedhë dhe e kanë refuzuar rikthimin e tij . Së dyti është përsëri ish skuadra e tij Roma e cila i shërbeu si trampolinë për tu bërë pjesë e ‘’ Zonjës së Vjetër ‘’ . Transferimi i 31 vjeçarit do ti detyronte kryeqytetasit të aplikonin largimet nga ‘’ Olimpico ‘’ dhe duke qenë se merkatos i mbetet edhe pak për të përfunduar , gjërat shkojnë në disfavor të mesfushorit .
Pas tyre është Fiorentina . ‘’ Vjollcët ‘’ kanë transferuar Lucas Torreiran në ‘’ Artemio Franchi “ dhe Miralem Pjanic konsiderohet i tepërt për këtë skuadër .
Uruguajani është huazuar për një sezon tek Fiorentina , në një kampionat që e njeh shumë mirë për shkak të eksperiencave me Pescaran dhe Sampdorian . Lista mbyllet me Napolin . Bardhekaltërit nuk e kanë përjashtuar përfundimisht pistën Pjanic sepse vlerësohet shumë nga ish tekniku i tij Luciano Spalletti .
Gjatë një bisede ndërmjet tyre italiani e ka vënë në dijeni në lidhje me planet e të ardhmes por momentalisht kjo çështje mbetet pezull dhe duhet të marrë zgjidhje të menjëhershme për shkak se koha nuk premton .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
