Trajneri i Egnatias, Edlir Tetova, foli për MCN TV, pas ndeshjes, ku skuadra e tij fitoi minimalisht ndaj Dinamos.
Tetova deklaroi se ishte një ndeshje me dy tablo, ndërsa theksoi se në pjesën e dytë ekipi kishte presion.
Mendoj se ndeshja ishte me dy tablo. Një pjesë e parë shumë mirë e kontrolluar. Më pas, në pjesën e dytë kishim më shumë presion, nuk e di pse. Nuk po fillonim lojën nga poshtë edhe për faktin se portieri nuk ndihej mirë.
Lojtarët nuk duhet të sforcohen në këto ndeshje pasi na pret finalja e Kupës dhe më pas Final 4. Nuk mundet që një ekip mos të ketë vazhdimësi gjatë 90 minutëshit pasi mund të pësosh gol.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
