Laçi triumfoi me rezultatin 3-2 ndaj Partizanit, në ndeshjen e vlefshme për javën e 29-të në Abissnet Superiore.
Një ndeshje e luftuar dhe me raste deri në momentet e fundit, ku u shënuan plot pesë gola. Të kuqtë kaluan në avantazh me Da Silva në minutën e 38-të, ndërsa kurbinasit barazuan shifrat me Guindo në fundin e pjesës së parë.
Pjesa e dytë nisi me Laçin më kërkues, teksa ishte Shkurtaj në minutën e 49-të, që shënoi golin e avantazhit. Guindo shënoi edhe golin e tretë për bardhezinjtë në minutën e 80-të.
Mba ngushtoi shifrat në minutën e 88-të për 3-2, por vetëm kaq, pasi rezultati nuk ndryshoi.
Kjo humbje e Partizanit i jep një asist Tiranës që të shkëputet në krye, me bardheblutë që mbajnë vendin e parë me 50 pikë 2 më shumë se të kuqtë dhe kanë një ndeshje më shumë për të luajtur.
Ndërkohë Laçi ngjitet në vendin e pestë në renditje me 39 pikë të grumbulluara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
