Situata dramatike e Valencias mund të shoqërohet me rënien në Segunda Division në fundin e sezonit.
Bardhezinjtë kanë lënë për të dëshiruar , të cilët nuk kanë arritur asnjë fitore në shtatë sfidat e fundit dhe nga kjo situatë do të tentojë të përfitojë Real Madridi .
‘’ Galaktikët ‘’ kanë ndezur motorrët për Edinson Cavanin , i cili nëse Valencia do të zbresë në një kategori më poshtë , me shumë gjasa uruguajani mund ti jape lamtumirën ‘’ Mestallas ‘’.
Interesi i kryeqytetasve tregon se pavarësisht situatës së komplikuar të Valencias , ‘’ El Matador ‘’ ka spikatur me lojën e zhvilluar, eksperienca e të cilit mund ta ndihmojë repartin e avancuar të ‘’ Los Blancos ‘’ për arritjen e objektivave.
Ishi i Napolit konsiderohet zëvëndësuesi perfekt i Karim Benzemas dhe për më tepër në ‘’ Santiago Bernabeu ‘’ do të gjente mbështetjen e bashkombasit Fede Valverde , i domosdoshëm për Carlo Ancelottin.
Siç dihet në merkaton verore të 2024-tës pritet edhe mbërritja e Endrick Felipes tek fituesit në fuqi të Champions Leagues por për sezonin vijues traineri italian e konsideron se duhet të shtojë forcat në metrat e fundit dhe për Edinson Cavanin, do të ishte eksperienca e dytë në La Liga, një ndër pesë kampionatet më të rëndësishëm të Europës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
