Dita e sotme konsiderohet shumë e rëndësishme për Paris St Germain . Drejtuesit e parizienëve shtrënguan duart me mbrojtësin e shumëdëshiruar Sergio Ramos . Këmbngulja e vazhdueshme e ‘’ Galaktikëve ‘’ për ta mbajtur në ‘’ Santiago Bernabeu ‘’ nuk u finalizua me sukses për arsye të pretendimeve të 35 vjeçarit dhe tashmë ‘’ Les Pariziens ‘’ do të ketë fatin e prezencës së ishi-t të Sevillas . Pas kalimit të testeve mjekësore andaluzi hodhi firmën në kontratën që do ta mbajë të lidhur me ‘’ Parque de Prince ‘’ për dy vite , periudhë nga e cila do të përfitojë 15 milionë euro në sezon .
16 vite me ‘’ Los Blancos ‘’ e kanë zbukuruar karrierën e Sergio Ramos sepse me gjigandët e La Ligas dhe Europës ka fituar shumë trofe të rëndësishëm në Spanjë dhe më gjerë . Me këtë transferim prapavija e Paris St Germain në sezonin vijues do të marrë një tjetër formë sepse kemi të bëjmë me një lojtar polivalent dhe shumë të fuqishëm fizikisht .
Pa dyshimin më të vogël që ky transferim do të konsiderohet nga më të bujshmit e merkatos së verës dhe ia mban ndezur shpresat për arritjen e objektivave , ndër të cilët më i kërkuari ndër vite është fitimi i Champions Leagues.
Ish kapiteni legjendar i Real Madridit e ka finalizuar eksperiencën 16 vjeçare me 671 ndeshje , 101 gola dhe 39 asiste dhe me siguri do të kujtohet gjatë në klubin kryeqytetas për kontributin e dhënë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
