Pasuesi i Klopp, Liverpool-i zgjedh një portugez për stolin

Te Liverpool-i, kanë nisur prej kohësh punën, për të gjetur trajnerin e sezonit të ardhshëm.

Jurgen Klopp njoftoi se do të largohet pas përfundimit të kampionatit dhe drejtuesit po punojnë për zëvendësuesin.

I pari në listë, ishte Xabi Alonso, por spanjolli, ka vendosur të qëndrojë te Bayer Leverkusen.

Në këtë situatë, është vendosur që alternativa më e mirë, është trajneri portugez, Ruben Amorim.

39-vjeçari po bën një punë të shkëlqyer me Sportingun e Lisbonës në Portugali dhe është në krye të listës për të marrë drejtimin e skuadrës angleze.

Amorim drejton Sportingun e Lisbonës që prej vitit 2020 dhe ka bërë një punë të shkëlqyer, duke i dhënë skuadrës edhe një titull kampion, të parin pas 19 vitesh.