Prej kohësh Konrad de la Fuente është shëndërruar në një ndër lojtarët më premtues të Barcelonës . Amerikani ka kaluar me sukses provat e vështira në ekipet inferiore dhe ka arritur me merita të plota të bëhet pjesë e ekipit të parë të drejtuar nga Ronald Koeman . Shansi i dhënë nga hollandezi nuk është shpërdoruar nga sulmuesi sepse i ka plotësuar pritshmëritë dhe sipas ‘’ Marcas ‘’ gjigandët e Europës kanë pyetur për të . Me një kontratë deri në 30 qershorin e 2022-shit e ardhmja e tij nuk e shqetëson aspak drejtorin sportiv Mateu Alemany i cili konsideron se koha për të blinduar qëndrimin në ‘’ Camp Nou ‘’ është e mjaftueshme . Pavarësisht këtij aspekti lufta për shërbimet e lojtarit të lindur në Majami ka filluar tashmë .
Juventusi , Manchester City dhe Paris St Germain kanë trokitur në derën e ‘’ Blaugranëve ‘’ për marrjen e informacioneve të nevojshme për 19 vjeçarin . Interesimi i tyre thekson se kjo luftë do të jetë e ashpër sepse si projektet sportive ashtu edhe kapitali ekonomik i pretendentëve të lartpërmendur mund ti plotësojë nevojat e Barcelonës për të ndryshuar paksa gjëndjen e komplikuar në të cilën ndodhet .
Gjithsesi mbetet për tu parë deri në merkaton verore sepse nëse Barcelona për shkakun e problematikës konstante që po përjeton ia hap derën dhe e largon nga ‘’ Camp Nou ‘’ do të pasuronte një rival të rrezikshëm për Champions Leaguen , gabim që do të konsiderohej fatal për vijimësinë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
